वि. स. २००७ सालमा प्रजातन्त्रको स्थापना भए पश्चात नेपालमा आएको शैक्षिक जागरण र त्यसले चितवनका वासिन्दामा पारेको प्रभाव स्वरुप शिक्षाको ज्योति फैलाउने उध्येश्यका साथ वि.स. २०१२ साल माघ १५ गते आइतवारको शुभ साइतमा छिताविक्रम पाठशालाको नामले तत्कालिन पटिहानी गाउँ पन्चायतको वरौजिमा विद्यालय स्थापना भएको थियो । चितवन जिल्लामा शिक्षाको ज्योती झुँल्कदा यस विद्यालयले आफ्नो समाजको शैक्षिक सेवागर्ने अवसर प्रारम्भ मानै प्राप्त गरेको थियो । वि.स.२०१२।१०।१५ गते सरकारवाट चितवन जिल्लामा ४ वटा विद्यालयहरु स्वीकृत भयो । त्यो मध्ये पटिहानी एक थियो र यहि मितिलाई विद्यालय स्थापना दिवस मनाईयो ।